അറിഞ്ഞുകൊണ്ട് എരുതീയിലേക്ക് ...

സി എ എന്ന  കോഴ്സിന്റെ കാഠിന്യം ഒരുവിധം എല്ലാവർക്കും അറിയാം. നൂറു പേര് എഴുതിയാൽ 3 പേര് മാത്രം ജയിക്കുന്ന ഈ കോഴ്സിനെ കുറിച്ച് അധികം പറയേണ്ട എന്ന് തോന്നുന്നു.

സി എ പരീക്ഷകൾ വർഷത്തിൽ രണ്ടു തവണയാണ് നടക്കുക. അതിന്റെ വിജയ ശതമാനം കാണിക്കുന്ന ഒരു പട്ടികയാണ് ചുവടെ കൊടുത്തിരിക്കുന്നത്‌

ജയിക്കുന്നവരുടെ ആറ് ഇരട്ടി പേര് തോൽക്കുകയാണ് ഈ പരീക്ഷയിൽ.   അതെന്തെങ്കിലും ആയിക്കോട്ടെ! ഞങ്ങൾ അത് മൈൻഡ് ചെയ്യുന്നില്ല .

ചിട്ടയായ പഠനവും കൃത്യമായ അർപ്പണബോധവും സുനിശ്ചിതമായ മനസ്സും ഉണ്ടെങ്കിൽ കഠിനാധ്വാനത്തിലൂടെ ആര്ക്കും പാസ്‌ ആകാൻ കഴിയുന്ന കോഴ്സ് ആണിത്. നാളെ മുതൽ ഞങ്ങൾ ഹരിയം ടീമിലെ രണ്ടു പേര് സി എ യുടെ പ്രവേശന കവാടമായ സി.പി.ടി. ക്ക് തയ്യാറെടുക്കുകയാണ്. സി എ എന്ന ലക്‌ഷ്യം മാത്രമാണ് ഇപ്പോൾ മനസ്സിൽ. ജൂണ്‍ മാസത്തിലെ സെക്കണ്ട് സണ്‍‌ഡേയിൽ  ആണ് സി പി ടി പരീക്ഷ സാധാരണയായി നടക്കാറുള്ളത്. ഇനി കഠിനാധ്വാനത്തിന്റെ രാപ്പകലുകൾ ആണ് എന്ന് ഓർമിപ്പിക്കേണ്ടതില്ലല്ലോ ! സി പി ടി എഴുതുന്ന എല്ലാ കൂട്ടുകാർക്കും നിങ്ങൾ  ഓരോരുത്തരുടെയും പ്രാർഥന ഉണ്ടാവണം  എന്ന് അപേക്ഷിക്കുന്നു. 

"There is no shortcut to success;

There is no substitute for hard work"